Aleqa COP21-mi: Nunarput imminut nalligissanngilaq
Taannami isumaqarpoq, Kalaalit Nunaat nukissiuutinik migutitsinngitsunik ineriartorteqataaneq peqataaffigillualereeraa, nunarsuarmilu silap kiatsikkiartunnginnissaanut atatillugu nutaanik aamma periarfissiisoq.
- Nunatta nukissamik atuinerata 75%-ia erngup nukinga atorlugu nukissiornermit pinngortuuvoq. Tunaartaassaaq suli annertunerusumik imminut pilersornissaq, mingutsitsinngitsumillu nukissiornermik politikki selskabinut avataaneersunut kajuminnartuussaaq, Aleqa Hammond oqalugiarnermi ilaatigut oqarpoq, nagillunilu:
- Kalaallit Nunaat imminut nalligissanngilaq. Silaannaap allanngornerata aamma nassatarai niuernikkut periarfissat nutaat, aningaasaliisartunut aamma soqutiginartuusut. Sinerissatsinni sikup annikilliartornerata aatsitassarsiorneq aningaasarsiornikkullu naalakkersuinikkullu inissisimanera pingaarutilerujussuuvoq, Hammond erseqqissaavoq, ilanngullugulu Vittus Qujaikitsutuulli, issittumi nunap inoqqaavi tusaaniarneqarnerunissaat kissaatigalugu.
- Aalajagiinerit nunani issittuni inuit avaqqutiinnarlugit ullumikkut pisarput. Piffissanngorporlu issittumi inuit allanngoriartornerminni isiginnaartuuinnannginnissaat. Kalaallit Nunaat issittoq tamakkerlugu 20 procenteraa. Taamaattumillu minnerpaamik issittoq pillugu isumaqatigiinniartoqarnerani ineriartortitsisoqarneranilu issiaqataasariaqarpugut, Aleqa Hammond ilaatigut taamma tusagassiuutinut allagaqarpoq.