Assi: Maasi Pedersen/KNR

Aleqa Aajalu Folketingip aallartilernerani ataatsimoortut

Nunatta Folketingimi ilaasortaatitai Aleqa Hammond, Siumumeersoq, Aaja Chemnitz Larsenilu, Inuit Ataqatigiinneersoq, Folketingimi ukiumi tulliuttumi sulinissaminnut pilersaarutitik ullumi saqqummiutissavaat.

Kalaallit Københavnimi Illuutaanni tamanna ualeru pissaaq.

Folketingimut qinikkat marluk taakku pilersaarutitik ataatsimut siullerpaamik juunimi qinersisoqarmalli saqqummiutissavaat.

Naallu Atlantikup Avannaani suleqatigiinnik pilersitsisoqarnikuunngikkaluartoq, soorlu siusinnerusukkut taamaattoqarnikuusoq, qinikkallu taakku marluk assigiinngitsunik pilersaaruteqaraluartut, ataatsimoorussinnaasaminnik pilersaaruteqarput.

Aamma atuaruk IA Folketingemi: Siumut tatigiunnaarparput

Kalaallit Nunaanni eqqartuussiveqarnerup nukittorsarneqarnissaa, Aaja Chemnitz Larsenip Aleqa Hammondillu sulissutiginiarpaat, naak eqqartuussiveqarneq Danmarkip naalagaaaffiata ataani inissisimagaluartoq.

Kalaallit suliffissaqaratik, ilaatigullu ilinniarsimanatik, Danmarkiliartartut pillugit suliniutit annertusarneqarnissaat, polikerit marluk taakku aamma kissaatigaat. Danmarkimiillu aningaasaliisoqarneruneratigut Nunatsinni inuussutissarsiornerup pitsanngorsaavigineqarnissaa aamma kissaatigaat.

Aamma atuaruk NALUNAARUSIAQ Danmarkip Nunattalu peqatigiillutik kalaallit Danmarkimiittut ikiussavaat

Nunatta Folketingimut ilaasortaatitai Kalaallit Københavnimi Illuutaanni ualeru ataatsimiititsippata, ataatsimiinnermi peqataasut aamma apeqquteqarlutillu suliniutigineqarsinnaasunik siunnersuusiorsinnaassapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat