Aleqa, Aaja GEUS-ilu unnuk kulturisiorfimmi naapikkit

Københavnimi ukiumoortumik unnuk kulturisiorfik tallimanngorpat ingerlanneqalerpat Christiansborgimi kalaallisut nipilersortunik tusarnaartoqarsinnaassaaq, araba-kaffimik kaffisortoqarsinnaassaaq, GEUS-imilu Kalaallit Nunaata assiliornera oqaluttuarineqassalluni.

Aaja Chemnitz Larsen, Inuit Ataqatigiit, aamma Aleqa Hammond, Siumut, Folketingip Grønlandsværelseani naapissinnaavatit.

Araba-kaffeqarlunilu, teeqassaaq nagguteeraqassallunilu alakkaasullu Debora Kleistip Allatta 2040-mi oqaluttualiaminik atuaasoq tusarnaarsinaassavaat, Ulf Fleischerilu nipilersortoq aamma tusarnaarsinnaassallugu.

GEUS Folketingip ungasinngisaaniittoq aamma tamanut ammassaq, tassanilu Polar Basarimik taallugu aaqqissuusineqassaaq immikkut ilisimasallit DMI-meersut, Energistyrelsimeersut, Geodatastyrelsemeersut GEUS-imeersullu Issittumi suliaminnik saqqummiissallutik.

Alakkaasut immap assinga qanoq suliarineqartarneqsoq kalaallillu imartaanni sumiissusersiniarneq qanoq ajornakusoortigisinnaanersoq takusinnaassavaat. Piterartittuusaarlugulu misiliisoqarsinnaassaaq, Kalaallit Nunaatalu Danmarkillu Qalasersuarmik piginnittuunermik uppernarsaataat paasiniaaffigineqarsinnaassallutik.

Unammisitsisoqassaaq kalaallillu nerisassaataannit isumassarsianit nerisassianik misiliisoqarsinnaassalluni.

Folketingip Grønlandsværelseani GEUS-imilu unnukkut arfinerniit unnuap qeqqata tungaanut Unnuk Kulturisiorfik ingerlanneqassaaq. Nunatsinnilu Unnuk Kulturisiorfik januaarimi ingerlanneqarnissaanut qilanaaginnassaagut.

Foketingip Grønlandsværelseani pilersaarutit:

18:25 – Tikilluaqqusineq, Aaja C. Larsen (IA) aamma Aleqa Hammond (S)

18:30 – Kalaallit qallunaallu kulturikkut naapittagaat pillugit filmeeqqat ingerlaartinneqassapput

19:00 – Allatta 2040-mi allaqataasimasoq Debora Kleist atuffassissooq

20:00 – Nipilersorneq: Ida Kleist

20:30 – Allatta 2040-mi allaqataasimasoq Debora Kleist atuffassissooq

21:00 – Nipilersorneq: Ulf Fleischer

22:00 – Nipilersorneq: Ida Kleist

23:00 – Nipilersorneq: Ulf Fleischer

24:00 – Unnummut qujanaq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat