Alcoap peqquserlussimanini nassuerutigaa
Bahrianimi atorfilittat kunngikkunneersullu peqquserlulluni millionilikkaanik akiliiffigisimallugit, Alcoap nassuerutiginikuuaa. Atorfilittat taakku naalagaaffiup suliffeqarfiisa ilaanni inissisimapput, ukiunilu arlalinni peqquserluttuliorfigineqarfigineqarsimallutik.
Alcoap immikkoortortaata Alcoa World Aluminap aningaasanik peqquserluttuliorsimanini, USA-mi Pittsburghimi eqqartuussivimmi nassuerutigaa.
Akiligassat taakku 2,1 milliardit koruunit missaanniittut isumaqatigiissutissatut siunnersuusiornikkut amerlassusilerneqarput, soorlu aamma suliap ingerlanneqarneranut atatillugu aningaasartuutinut matussusiinissamut amerlassusilerneqarlutik. Piginneqataassutinut tunngasunik suliffeqarfiup Bloombergip tamanna nalunaarutigaa.
- Taama annertutigisumik akiliisitaasussanngortitsisoqarnissaa ilimagineqarsimanngikkunaraluartoq ilimagaara, piginneqataassutinik niuernermi naliliisartoq Nomura Holdingsimeersoq oqarpoq.
- Akiliisitaanissamut annertussusiliineq ilimagisamit annertuneruvoq, oqarpoq.
