Alcoa pillugu aalajangernissaq ukiumik ataatsimik kinguarpoq
Aalajangernissallu tungaanut avatagiisinut tunngasut sukumiinerusumik misissuiffigineqassapput.
- Sukumiinerusumik misissueqqinnissat pilersaarutit malillugit ingerlanneqassapput, Inuussutissarsiornermut Aatsitassanullu Naalakkersuisoq Ove Karl Berthelsen oqarpoq, politikkikkullu attuumassuteqanngitsumik oqallissaarisut tikilluaqqulugit.
- Upernaakkut inatsisartuni ataatsimiinnissaq qinersineq pissutigalugu taamaatinneqarpoq, taamaattumik erngup nukinganut pilersaarut aamma aalajangiinissamut upernaakkut ataatsimiinnermi suliaasussaagaluit ukiamut 2009-mut kinguartinneqarlutik, Ove Karl Berthelsen, Inuussutissarsiutinut Aatsitassanullu Naalakkersuisoq oqarpoq. Aamma taassuma oqaatigaa
kinguartitsinerup kingunerisaanik aluminiummimik aatsitsivik pillugu apeqqutit, soorlu piginnittussaanermut tunngasut upernaakkut 2010-mut kinguartinneqartut. Aalajangiisoqarnissaatalu tungaanut misissuinerit sukumiinerusut suliarineqassallutik.
Avatagiisit pillugit peqatigiiffiup Avatap, Greenland Developement pinngortitamut sunniutissat pillugit aluminiuliorfissuarmut iluaqutaasumik kusanartuliorluni saqqummiussisartutut isornartorsiorpaa. Aluminiuliorfissallu avatagiisinut sunniutissai pillugit ileqqorissaarnikkut politikkikkullu attuumassuteqanngitsunik pilersitsisoqarnissaa Avatap noqqaassutigalugu, tamannalu Naalakkersuisumit tikilluaqquneqarpoq.
- Paasissutissat tamarmik tikilluaqquneqarput, Ove Karl Berthelsen oqarpoq.