Alcoa peqquserlussimasutut pasineqarpoq

Amerikamiut alumiiniuliorfiat Alcoa Kalaallit Nunaanni alumiiniuliorfissamik Namminersornerullutik Oqartussanik suleqateqartoq, Aningaasanik milliardit koruunit sinnerlugit nalinginik peqquserlussimasutut pasineqarluni misissuiffigineqarpoq, aviisi sermitsiaq nittartakkamini taamatut allaaserisaqarpoq.

USA-imi unnerluussisut, nutaarsiassaqartitsivik CNN malillugu, eqqartuussivik peqquneqarsimavoq Alcoap eqqartuunneqarnissaanik suliniuteqaqqullugu.

Alumiiniu suliniarineqanngitsoq arabiami naalagaaffimmi Bahrain-imi tuniniarneqarnerani aluumiunip akia Alcoap qaffanniarsimavaa.

Bahrain-imi alumiiniumiuk piginneqatigiiffimmi Aluminium Bahrain-imi, Alba-mi atorfillit qaffasinnerusumi inissisimasut arlallit Alcoamit peqquserluttuliorfiginiarneqarniarsimapput. Brahrainimi Alumiiniuliorfimmi Aluminium Bahrain-imi naalakkersuisut annerusumik piginneqataapput.

Alcoa aningaasanik 5 milliardit koruunit missaannik nalilinnik taarsiissuteqarnissaa ALBA-p piumasaraa.

Unnerluussissutigineqartut Alcoamit itigartitsissutigineqarput.

Aningaasat 9,7 milliarder koruuninik nalillit peqquserluutigineqarsimasutut pasilliutigineqarput, norskit aviisiata E24-ip USA-imi aningaasarsiornikkut nutaarsiassaqartitsivik Wall Street Journal issuaaffigisimagaa, sermitsiaq nittartakkamini allappoq.

Bahrainip siornatigut uuliaministeria sheik Isa al-Khalifa peqquserluttuliortoqarsimaneranik qitiulluinnarsimasutut pasineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat