Alcoa isumalluarpoq
Erngup nukinga atorlugu nunatta Kitaani siunissami nukissiorfiliornissamut, aluminiumillu aatsitsiviliornissamut, aluminiumik aatsitsivissuaq, nunarsuarmi annerpaaq, Alcoa, isumalluarpoq.
Taama allappoq Sermitsiaq naggat gl
Aatsitsiviliornissamut erngup nukinga naammattoq pigineqarnersoq suliffeqarfiup misissuivigigallarsimavaa. Aamma aatsitsiviliorfissaq imminut akilersinnaanersoq, tassa erngup nukinga atorlugu nukissiorfissat naammannersut, misissuivigisimallugu.
- Inernerit paasisavut isumalluarnarput, aluminiumik aatsitsivissuarmi, Alcoa Global Primary Productimi, pisortaaneq, Jon Erik Reinhardsen, aviisimut Sermitsiamut oqarpoq.
Alcoa Global Primary Product tassaavoq aatsitsiviliornissaq pillugu Namminersornerullutik Oqartussanut attaveqartartoq.
