Alcoa innuttaasunik ataatsimiititsisaqattaarniarpoq

Aluminiumik Nunatsinni aatsitsiviliortoqarnissaa pillugu Greenland Development Alcoalu innuttaasunik ataatsimiititsisaqattaarniarput.
novembarip 11-at 2009 08:27

Aatsitsivissap nutaanik suliffissaqartitsilluarnissaa ilimagineqarpoq, avatangiisinulli sunniutigisinnaasassai misissoqqaarneqassapput. Siunnersuissarfiup ERM-ip misissuinerit VVM-imik taaneqartartut maanna aallartereerpai. VVM tassaavoq Vurdering af Virkninger på Miljøet - Avatangiisinut Sunniutinik Naliliineq.

Innuttaasunik ataatsimiititsinerni misissuinerit maannamut inernerigallagaat siunnersuisarfiup ERM-ip saqqummiutissavai, siunissamilu qanoq pisoqassanersoq oqaluttuarissallugu. ataatsimiinneq naammassippat peqataasut VVM-imut tunngasunik aamma aatsitsiveqalernissaq pillugu apeqquteqarsinnaassapput.

Ataatsimiinneq siulleq Nuummi novembarip 16-ianni pissaaq, Maniitsumi novembarip 17-ianni, pingajuat Sisimiuni novembarip 18-ianni kingullerlu Kangerlussuarmi novembarip 19-ianni. Ataatsimiititsinerit tamarmik unnukkut pisassapput.

Maniitsumi innuttaasunik ataatsimiititsineq KNR-TV-p toqqaannartumik aallakaatissavaa, Akisuasoq suleqatigalugu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq