Alcoa iluamik aqunneqartariaqarpoq
- Suliassatut pilersaarut taama angitigisoq, innuttaasunut aningaasarsiornikkut eqquinerlussanngippat inuiaqatigiinnit kalaallinit pikkorissunit sunniuteqarfigineqartariaqartoq, Jørgen A. Høyip oqaatigaa.
Taamatut paasisimannilluarneq maanna Kalaallit Nunaanni pissaanermik tigumiaqartut piginngilaat.
- Suliniutit angisuut naalakkersuinermik suliaqartunit qullerpaanit ingerlannerliorneqartarnerat ajoraluartumik assersuutissarpassuaqarpoq, Jørgen A. Høy allappoq, assersuutitullu taallugit KNI-mik aqutsinerliorneq, akit assigiikkunnaarsinneqarnerat, nunatta iluani angallannerup allanngortiterneqarnera, tamatumunngalu ilanngullugit inuttut soqutigisat salliutillugit imminut sullinnerit – soorlu akit atorneqartut ataaterujussuarlugit illusisimanernut tunngatillugu, Jørgen A. Høy atorfikkaatut misilittagaqarluartoq oqarpoq.