Alcoa aningaasartuutiminik ikilisaaniarpoq

Alcoa, Maniitsup eqqaaniittussamik aatsitsiviliornissamik pilersaarusioraluartoq, nunarsuaq tamakkerlugu aningaasarsiornernikkut ajornartorsiornermit eqqorneqarpoq.

Aningaasat pigeriikkat qularnaarneqarnissaat aningaasartuutillu annikillisarneqarnissaat ataasinngormat saqqummiunneqarput. Suliffeqarfissuup unammillersinnaassuseqarnissaa qulakkeerniarlugu iliuusissat saqqummiunneqarput. Sulisut 13.500-t, katillugit 13 procentit soraarsitaassapput. Tunisassiorneq aamma 18 procentimik annikillisarneqassaaq. Iliuusissalli tamaanga killeqanngillat. Nioqqutissiornermi aningaasartuutit affaannanngortinneqarnissaat siunniunneqarpoq, suliffeqarfiillu minnerit Alcoap ataaniittut tuniniarneqassallutik. Atorfinitsitsisarnerit unitsikkallarneqassapput, akisssarsiallu qaffaavigineqarallassanatik. Iliuusissat 2009-mi marsiutinnagu naammassineqareersimassasut ilisimatitsissutigineqarpoq.

- Iliuusissat siammasissorujussuupput, isumatusaarnikkulli piviusunngortinniarneqassallutik. Alcoap unammillersinnaajuaannarnissaa matumani qulakkeerniarneqarpoq, Alcoap pisortaanerata Klaus Kleinfeld oqarpoq.