Albrechtsen: qulaajaasoqarli

Danmarkimi naalakkersuisut maanna uppernarsisinnaanngilaat, Danskit 1953-mi eqqunngitsunik FN-mut paasissutissiisarsimanersut, taama Statsministeri Anders Fogh Rasmusseni Folketingimi ilaasortamut enhedslistemmersumut Keld Albrechtsenimut akissuteqarpoq.

Enhedlistemeersoq Keld Albrechtsen Statsministeri allakkaatigut aperaa naalakkersuisut uppernarsisinnaaneraat Danskit eqqunngitsunik taamani paasissutissiisarsimanersut, taamaaliortoqarsimappallu saliisoqartariaqannginnersoq.

Statsministeri Anders Fogh Rasmussenni isumaqanngilaq pereersut Namminersorneq pillugu Ataatsimoortumik Isumalioqatigiissitami qaqilerneqassasut, isumalioqatigiissitami suliassat aalajangersarneqareermata. Anders Fogh Rasmussen aamma allappoq Kalaallit Nunaata nammineq sussanerluni aalajangissagaa, danmarkimi tunngaviusumik inatsit kiisalu naalagaaffeqatigiinnermi isumaqatigiissutit tunngavigalugit.

Statsministerip Naalakkersuisut siulittaasuata Hans Enoksenip tusagassiutinut decembarip 15-niani nalunaarutaa keld Albrechtsenimut aamma innersuuppaa, tassalu oqaluttuarisaanermi pereersut Namminersorneq pillugu Ataatsimoortumik Isumalioqatigiissitami inissaqanngitsut.

Keld Abrechsennip Statsministerip akissutaa akueriuminaatsippaa, isumaqarporlu apeqqutini akineqanngimmat Statsministeri apereqqittariaqarlugu.

Keld Albrechtsen isumaqarpoq oqaluttuarisaanermi pisimasut qulaajarneqartariaqartut aaqqiiffigineqartariaqartullu. Keld Abrechsen isumaqarpoq nunatsinni Landsrådimut kiisalu FN-mut piaraaluni imaluunniit piaarinani eqqunngitsumik paasissutissiisoqarsimanersoq oqaatigineqartariaqartoq.

Naalakkersuisut siulittasuata Hans Enoksenip radioaviisimut ippassaq oqaatigaa statsministeri qaqilerinissamik isumalioqatigiissitaq suliaqartariaqarneranik siunnersuuteqarfiginiarlugu, tamannalu isumatusaarnerusoq Keld Albrechsen isumaqarpoq. Hans Enoksenip nutaamik isummernera nuannaraa, tassami 1953-mi pisut uteqqinnginniassammata, naalagaaffeqatigiinnermi moterniusoq inissaqarluartorlu pisariaqarpoq, Savalimmiut Kalaallillu nunaat nunanut allanut namminneerlutik attaveqaateqarnissaat aamma pisariaqarmat, qanorluunniit Danmarkip tunngaviusumik inatsisaa allanngortinneqassagaluarpat, keld Albrechtsen radioaviisimut oqarpoq.

Keld Abrechtsen, Enhedslistemeersoq aamma isumaqarpoq Namminersorneq pillugu Ataatsimoortumik Isumalioqatigiissitaq suliaanik killilersorneqassanngitsoq.

Folketingimi Atlantikup Avannaani qinikkat suleqatigiiffiat apeqquteqarneq aallaavigalugu folketingimi oqallinnissamik kissaateqarpoq, taannalu qaqugu pissanersoq Lars-Emil Johansenip oqaatigisinnaannginnerarpaa.

Atassut oqallinnermut aamma akuliuppoq, Atassullu isumaqarpoq Namminersorneq pillugu Ataatsimoortumik Isumalioqatigiissitamut suliakkiissuutit kisiisa suliarineqartariaqartut.

Statsministerip akissutaani takuneqarsinnaalerpoq Naalakkersuisut siulittaasuata Hans Enoksenip siunnersuutigilersaagaanut akerliusoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat