Albaniami nunap marlunngornermi sajunneranit ajunaartut amerleriartut
Albaniami nunap marlunngormat sajunneranit ajunaartut amerleriarput, ajunaarsimasut ikinnerpaamik 24-iupput, aqqunartitersimasullu 650-t missaanniillutik.
Dr.dk.naapertorlugu BBC taama allaaserisaqarpoq.
AAMMA ATUARUK Albaniami nunap sajunneranit inuit arfinillit ajunaartut
Tiranap kitaatungaani nuna richterip nunap sajuttarneranut uuttuutaa naapertorlugu 6,4-mik sajuppoq
Nunalu 250-eriarluni sajoqqissimavoq, taamaattumik illut aseruartitersimasut ingallutit isariaannanngornerannik kinguneqarpoq.
Inuppassuit ernumallutik angerlarsimaffimminnut angerlarusunnatik silami biilinilu unnuisariaqarsimapput, innuttaasullu ilaat arsaattarfissuarmi katersuussimallutik.
Annaassiniartartut ajunaarsimasunik aqqunartitersimasunillu ujaasiuartuarsinnarput. Albaniami ikiuniarnermut atatillugu EU-mit Kosovomit Montenegromiillu ikiuiartortut aggersarneqartut, dr.dk allaaserisaqarpoq.
Albaniami nuna qaammatit marluk ingerlaneranni aappassaanik sajorujussuarpoq.
Alabaniami nuna taama sakkortutigisumik kingullermik sajummat ukiut 30-t sinnerlugit matuma siorna pivoq.