- Ullaakkut suliartoraangami angerlarsimaffimma eqqaani nanoqartarpoq, illoqarfiup sinniisuani ilaasortaq juunimi oqarpoq. Toqqorsivimmit assiAssi: Kerstin Pfeifer/KNR

Alaskap angut unioqqutitsilluni nannussimasutut unnerluutigigaa

Nunaannarmi illoqarfik Kaktovik Alaskap avannarpasissuaniippoq, silallu pissusiata allanngoriartornerata malitsigisaanik nannut qanillattorneruleraluttuinnarput.

Alaskami angut nannumik inatsisinik unioqqutitsilluni pisaqarsimasutut pasineqarluni unnerluutigineqarpoq. Nannup toqungasup timaa angutip angerlarsimaffimmi silataani qaammatini tallimani uninngatissimavaa.

Angut, Chris Gordon, arferup neqaanik angerlarsimaffimmi silataani inissiisimavoq, arferullu neqaa uumasut assiginngitsut takkussuutilernerannik kinguneqarpoq, nanoq taakkununnga ilaalluni, Naalagaaffiup unnerluussisussaatitaasua, Ryan Tamsey oqarpoq.

Nunaqarfik Kaktovik, Alaskap kangimut avannarpasissuaniippoq, silallu pissusiata allanngoriartornera pissutaalluni nannut Kaktovimmut qanillattornerusalerput, nunaqarfimmiullu tamanna ernummatigaat.

35-nik ukiulik Chris Gordon eqqartuussinermi pisuutinneqassaguni ukiumik ataatsimik sivisussusilimmik parnaarussassanngortinneqarsinnaavoq, 100.000 dollarillu pallillugit, tassa 660.000 koruunit sinnilaarlugit, akiliisitaasinnaalluni.

Nannut imminut illersorniarluni toqunneqarsinnaapput, Chris Gordonilli nannumik toqutsisimanini pisortanut nalunaarutigisimanngilaa, naak taamaaliortussaatitaagaluarluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat