Assi: Caelus Energy

Alaskami uuliaqarfissuarmik nassaartut

Uuliasiortitseqatigiit Caelus Energy Alaska maanna nalunaarutigaat Alaskami uuliaqarfissuarmik nassaarsimallutik, Alaskap oqaluttuarisaanerani immaqa aatsaat taama annertutigisumik nassaartoqarluni. Aviisi Alaska Dispatch News nittartakkamini taama allaaserisaqarpoq.

Caelus Energy Alaskap naliliinera ilumuussappat, taava Alaskap ilaani Smith Bayimi, Alaskap Ualerngup Tarajuata tungaanut sineriammiittumi, nappartat uuliallit ullormut 200.000-it tunisassiarineqarsinnaassapput, taamaassappallu uuliamik aatsaat taama annertutigisumik nassaartoqarsimassalluni.

Uuliasiortitseqatigiit anginerit ilaata, ConocoPhillipsip, Smith Bayimit kujammut kangimukanneq uuliasiorfiani, ukioq 2000-imi aallartittumi, tunisassiornerpaaffiummat uulia nappartat ullormut 139.000-it tunisassiarineqartarput, uulialu Smith Bayimi nassaarineqartoq taamaasilluni annertussutsimigut annerpaanngorsinnaassalluni.

Kisitsisilli Caelus Energymit saqqummiunneqartut suli iluamik uppernarsineqanngillat, arlaannaannulluunniit attuumassuteqanngitsumit suli nalilerneqarsimanngimmata.

Alaskami ujarassiuut nuiamanerit ilaata David Houseknechtip, US Geological Surveyimi aamma sulisup, oqaatigaa nunap uuliamik nassaarfiusup sananeqaatimigut uuliaqarluarsinnaalluartoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat