Alaskami uuliaarluarneq
Ullaaq radioavisimi eqqaavarput Alaskami uuliaaluarneq pisimasoq. Alaskami uuliaarluerneq marsip aappaanili paasineqarsimavoq, ruujorillu manngertornilerlutik putummata uuliaarluartoqalersimavoq. Uuliamut ruujori putummat, uulia 1 million literip missaannik annertutigisoq aniavoq.
Ruujorit manngertornisimaneri nakkutilliisunit qaammatinik arlalinnik sioqqutsilluni ilisimaneqarsimavoq, atorltullu nakkutilliissutaasut atorsinnaasimanngillat, ruujorit apummik matuneqarsimammata, taama Alaskami uuliasiorfimmi BP explorationsimi pisortap tullia, Maureen Johnson oqarpoq.
- Assingusumiik pisoqaqqinnginnissaa anguniarlugu misissuilluarneq maannakkut ingerlanneqarpoq, Maureen Johnson naggasiivoq.
Alaskami uuliaarluerneq kingulleq marsimi 1989-mi pivoq, taamanikkut umiarsuarsuaq uuliamik assartuut Exxon Valdez, Anchoragep kujasissortaani Prins William Sundimi, ikkarlimmat.