Alaskami qimmeq guvernørinngorniartoq
Allattoq Mads Lynge
Alaskami ukiaru guvernørimik qinersisoqartussaavoq. Qinigassanngortittut ilaat Brinkley-mik ateqarpoq.
Brinkley marlunnik ukioqarpoq golden retrieveriullunilu – tassa qimmiulluni. USA-mi tv-qarfissuaq NBC taama allappoq.
Naak Brinkley-p qineqqusaarnera aallartimmat asuleernerugaluartoq, soorluuna maanna nuannarineqaleraluttuinnartoq.
T-shirtit ”Brinkley for governor”-imik naqinnillit tunisaasorujussuanngorsimapput, 25.000 koruunit nalinginut tunisisoqarsimammat.
Brinkley Alaskami guvernørinngunngissagaluarpat, qimmip piginnittua oqarpoq Brinkley USA-mi præsidentissatut sassarumaartoq.