Puisit toqungasut 60-it sinnerlugit sissami maajip qaammataanili nassaarineqarput.Assi: Travis/Flickr Creative Commons

Alaskami puisit toqungasut ernumassutigineqartut

Alaskami North Slope Boroughimi nunaqarfinni avannarlerpaani sisami puisit toqungasut nassaarineqartut Inupiaq-nit eqqasuutigineqarput.

Ualerngup Tarajuani Chukchiillu imartaasa sineriaanni toqungasunik puiseqarpoq. Immat taakku marluk Alaskap avannamut-kitaaniipput.

Puisit ikittuinnaanngillat, tassami sissami puisit toqungasut 60-it sinnerlugit maajimiit maannamut nassaarineqarmata.

Suli ilisimaneqanngilaq sooq toqusimanersut. Sumiiffinni taakkunanit aamma Amerikami imaq pillugu aqutsisoqarfinnit ilisimatuut pisup sumik pissuteqarsinnaaneranik misissuipput.

Pissutaasorisat ilagaat naammattunik nerisassaqarsimannginnerat, immap ilarujussuani siku saappallaalersimammat imaluunniit aassimalluni, taamaalillutillu nerisassarsiorfissatut aallaavigisinnaasaarussimallutik.

Aammalu silap kiassusia pisarnermit annerulersimavoq. Chukchip imartaata kujataa’tungaani immap kissassusia qaammammi kingullermi pisarnermit gradinik sisamanik affarmillu kissarneruvoq.

Ilisimatuut piniartunik Inupiaq-nik suleqateqarlutik puisit toqungasut pillugit massakkut misissuinialerput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat