Assi: Amanda Graham/Flickr Creative Commons

Alaskami nunaqarfinnit pingasunit ataaseq politeeqanngilaq

Nutaarsiassaqartitsiviit marluk, Anchorage Daily News aamma ProRepublica ataatsimoorlutik misissuipput. Alaskami nunaqarfinni inuiaqatigiit 70-init amerlanerusut arlaatigut politiinit illersorneqanngitsut, misissuinerup takutippaa. Alaskami nunaqarfiit tamakku USA-mi tamarmi kinguuaassiutitigut kannguttaatsuliorfiunerpaanut ilaapput.

Sumiiffinni tusagassiortut suleqatigiinneratigut nalunaarusiap nunaqarfinnit pingasunit ataaseq inatsisinik atortitsisussaqanngitsoq takutippaa. Kinguaassiutitigut atornerluinerit, saassussinerit, toqutsinerit angerlarsimaffimmiluunniit eqqissiviilliortitsinerit isumaginissaqanngillat.

Nunaqarfinniluunniit fogedeqanngilaq. Nunaqarfiit 70-it ima angitigaat, atuarfeqarlutillu allakkeriveqarlutik. Nunaqarfiilli  avinngarusimangaarmata amerikami naalagaaffiup ilaanut allanut sanilliullugit ikiortissat akunnernik arlalinnik immaqalu ullunik arlalinnik ungasissusilimmiipput.

Nunaqarfiit amerlanerusut namminneq politeeqarnissaminnut akissaqanngitsut naalagaaffiup nassuerutigaa. Taamaammat nunaqarfinni pisortat isumannaallisaasuinnik taasanik pilersitsisoqarnikuuvoq. Iluaqutaanngillalli.

Alaskap ukiuni 60-ini naalagaaffiunerani guvernørit inatsisilerisullu illoqarfiit eqqaaniittullu illersorneqarnerannit allaanerutitsisumik, marloqiusamik pinerluttulerinermi aaqqissuussinikkut nunap inoqqaavisa inuiaqatigiivinnik illersuinissaq ilaginnartarsimagaat, nunap inoqqaavisa siuttuisa oqaluttuaraat.

Nalunaarusiaq Local reportingip suleqatigineratigut sammisap nangeqattaartup ilagaa taanna Inatsisaatsoq: Alaskami kinguaassiutinut nakuuserneq-mik taaguuteqarpoq.
Tamanna pillugu nittartakkatsinni annerusumik atuarsinaavutit.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat