Alaskami nunaqarfimmi najugallit milliardip affaanik taarsiivigitipput

Kuussuup Red Dog Creekip ernganik toqunartulerujussuarmik qangarsuarli maangaannartitsisimaneq pissutigalugu, Alaskami Inuit najugaqarfianni, Kivalinomi, innuttaasut 120 millioni dollarsinik - tassa ½ milliardi koruunit missaannik - Canadami zinkisiorfissuup, Teck Cominco-p, maanna taarsiivigai.

Allattoq Louise M. Kleemann

septembarip 10-at 2008 14:03

Aatsitsiviliorfissuaq taanna nunarsuatsinni aatsitsiviliorfiit annersaannut tulliuvoq, suliffeqarfiullu tassunga atasup Red Dokip qaarusuaniit imeq toqunartulik maangaannartoq, Kivalinomi innuttaasut oqarnerat malillugu, imermik ulluinnarni imertagaannik toqunartoqartitsilersimavoq aalisakkallu illoqarfiup kuuaniittut nungutissimallugit, uffa tamaanimiut taakku pingaarnertut inuutissarsiutigigaluaraat.

Toqunartut cyanid aamma cadmium annertoorujussuit pinngortitamiittut Kivalinomi innuttaasunut eqqartuussissuserisut 2002-mi uppernarsaatissarsimmatigik eqqartuussisutigut ingerlatitsisoqalerpoq.

Suliarlu Alaskami Eqqartuussivimmi ataasinngormat naammassineqarpoq, Kivalinomilu innuttaasut aningaasarpassuarnik taarsiivigitittussanngorput, katillugit 120 miilioni dollarsinik.

Alaskami nunaqarfimmi najugallit milliardip affaanik taarsiivigitipput

Aamma atuaruk