Alaskami nunaqarfimmi najugallit milliardip affaanik taarsiivigitipput
Aatsitsiviliorfissuaq taanna nunarsuatsinni aatsitsiviliorfiit annersaannut tulliuvoq, suliffeqarfiullu tassunga atasup Red Dokip qaarusuaniit imeq toqunartulik maangaannartoq, Kivalinomi innuttaasut oqarnerat malillugu, imermik ulluinnarni imertagaannik toqunartoqartitsilersimavoq aalisakkallu illoqarfiup kuuaniittut nungutissimallugit, uffa tamaanimiut taakku pingaarnertut inuutissarsiutigigaluaraat.
Toqunartut cyanid aamma cadmium annertoorujussuit pinngortitamiittut Kivalinomi innuttaasunut eqqartuussissuserisut 2002-mi uppernarsaatissarsimmatigik eqqartuussisutigut ingerlatitsisoqalerpoq.
Suliarlu Alaskami Eqqartuussivimmi ataasinngormat naammassineqarpoq, Kivalinomilu innuttaasut aningaasarpassuarnik taarsiivigitittussanngorput, katillugit 120 miilioni dollarsinik.