Alaskami nukappiaqqat parnaarunneqartut

Alaskami illoqarfiup Fairbanksip qanittuani akulliit atuarfianni North Pole Middle Schoolimi atuartuunissaq eqqarsarnartoqalerpoq. Akunnerup naanerani nukappiaqqat klassit arfineq-aappaani atuartut arfinillit atuaqatiminnik aallaallugit, savimmillu kapillugit toqutsinissaminnik pilersaaruteqarsimanertik pillugu parnaarunneqarsimapput.

Atuartullu peqataat allat qulingiluat pilersaarusiornermut ilisimannittutut atuarfimmit peersikkallarneqarsimapput. Toqutsinissaminnik pilersaarutillit qinngasaarneqartarsimanertik peqqutaatippaat.

Illoqarfik ilisimaneqarpoq eqqissinartutut, juulimaallu inuata angerlarsimaffiatut. Ukiut tamaasa nunarsuarmit tamarmit juulimaamut allakkat illoqarfimmut tassunga ingerlatinneqartarput.

Nukappiaqqat toqutsinissaminnik pilersaarutillit atuarfiup innaallagialersornera, oqarasuaatillu aqqutaat kiperiarlugit toqutsiniarlutik pilersaaruteqarsimasut, tasamani politiit pisortaata Paul Lindhagip tusagassiutinut paasisaminik nalunaaruteqarpoq.