Alaskami nannut akuttunngitsumik eqqaavissuarni imaluunniit inuit eqqaviini nerisassanik nassaartarput. Kaangaaramik nassaarisinnaasatik suulluunniit nerisarpaat.

Alaskami nannut plastikkitortartut

Alaskami nannut pisarineqartartut sisamararterutaat plastikkinik aqajarormioqartarput. North Slopemi Alaskamiittumi ilisimatuut taama oqarput.

Silap pissusaata allanngornera peqqutaalluni sikup aannera saappallaalerneraluunniit pissutigalugit nanorpassuit perlilertarput.

Qanga pisarnermisut sikup killinganiit puisinniarsinnaajunnaarnermik kinguneqarpoq. 

Taamaattumik Alaskami Canadamilu nannut nunaqarfinnut nerisassarsioriartalersut amerliartuinnarput.

Akuttunngitsumik eqqaavissuarni imaluunniit inuit eqqaviini nerisassanik nassaartarput.

Kaangaaramillu nassaarisinnaasatik suulluunniit nerisarpaat.

Plastikkinik aqajarormioqartarput

Eqqakkanili nerisassaannaanngitsut nassaassaapput. Ilisimatuut piniartullu oqarput plastikinik, puiaasaaqqanik, puussianik folianillu nannut aqajaruini nassaartarlutik. 

Ilisimatuut isumaqarput nannut plastikinik aqajarormioqarnerminnik peqquteqarlutik ippigusullutillu annerisaqartartut, tamannalu pissutigalugu saassusseqqajaasalersarlutillu naatsorsoruminaallisarput. 

Carol Nelson, Fairbanksimi uumasut nakorsaat, KNR-imut oqarpoq Alaskami Inuppiaat illoqarfianni Kaktovimmi 230-nnarnik inulimmi nannut mittarfimmut ima qaninngoortigisalersut allaat takornarianit takusarneqartalerlutik.

Uumasut nakorsaat naapertorlugu innutaasut annertunerusumik arfanniaasut arferit sinnikui mittarfiup isuanut qanittumut ilisarpaat nannut kaattut qarmarniarlugit.

Nannut takornarianut takusassatut ima pingaaruteqartigilersimapput, nunap ilaani timmisartortitseqatigiiffiup Warbelowip neriorsuutigalugu takornariat mittarfiup eqqaani nannumik takunngikkunik billetsimi akia utertissinnaagaat. 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat