Alaskami naartuersittartut

Allattoq Najaaraq Egede
apriilip 27-at 2006 05:42

Naartuersissinnaatitaaneq Alaskami inerteqqutaatinniarneqalerpoq.

Tasamani inatsisartuni ilaasortat ilaasa naartut toqunneqartarnerat pinerluttuliornertut isigalugu inatsisiliuunniarsarileruttorpaat, Associated Press taama allaatigisaqarpoq.

Inatsisissatut siunnersuummik illersuisoq oqarpoq, arnap naartuersissinnaatitaanissaa pineqanngitsoq paarlattuanilli meeqqap inunngorsimanngitsup anaanaatalu toqutsisuisa pillarneqartarnissaat pillugu inatsisissatut siunnersuusiortoqarsimasoq. Anaanaasumik naartuanillu innarliisut pineqaatissineqartarnissaat anguniarneqarpoq.

Inatsisissatut siunnersuummut akerliusut oqarput arnap timiminut akisussaaffeqarsinnaatitaanera taamatut inatsisiliornikkut innarlerneqassasoq arnallu naartuersissimasut eqqartuussivimmut tunniunneqarsinnaalernissaat taakkunannga ernummatigineqarportaaq.

Inatsisissatut siunnersuutigineqartoq Amerikami naalagaaffinni 32-ini atuuppoq. Naalagaaffiillu taakku ilaanni naartu sapaatip-akunneri aqqaneq-marluk sinnerlugit ilumiuusimasoq peerneqaraangat inuusinnaatitaaffiiagaasutut isigineqartarpoq.