Alaskami Inuit arfattassaqalerput
Nunatta arfattassaanut tunngatillugu suli nalorninartoqartoq, Alaskami Inuit arfattassiissutissaat IWC-mi akuersissutigineqarput.
Arfanniarneq pillugu ataatsimiititaliarsuup, IWC-p, Alaskami Anchorage-mi ippassaq unnukkut ataatsimiinnerani tamanna pivoq. Ritzau taama allappoq.
Alaskami Inuit taamaasillutik arfivinnik 260-inik ukiuni tulliuttuni tallimani pisaqarsinnaatitaassapput.
Taakku saniatigut arfiviit 20-t Ruslandimi pisarineqarsinnaassapput.
Nunatta arfattassatut piumasaqaatai nunat tamat akornanni aalassassimaarutigineqarput.
Kitty Scott, uumasunik illersuiniaqatigiiffimmit Humane Society Internationalimeersoq ilaatigut ima oqarpoq:
- Arfernik illersuiniarnermut tunngatillugu aalajangersakkat suliniutigineqartullu Kalaallit Nunaata imminuinnaq eqqarsaatiginermigut navianartorsiortippai, nunallu inuiisa allat piumasaqaataat aamma navianartorsiortissinnaassallugit, Kitty Scott oqarpoq.