Alaskami immikkut ittumik umiarlualiviliortoqarnialerpoq
Ukiut marluk ingerlaneranni umiarsualiviliortoqarnissaanut aningaasaliisoqarsinnaanera pillugu senatori Alaskameersoq, republikaneri, Lisa Murkowski, inatsisissamik siunnersuusiorpoq, paasiniarneqarniassammat umiarsualivik sumerpiaq sananeqaruni pitsaanerpaassanersoq, umiarsualiviliortoqaraluarpammi amerikamiut sorsuutaat Alaskaliarsinnaanngussagaluarmata.
Lisa Murkowskip aamma paaserusuppaa umiarsualiviliornissaq qanoq akeqassanersoq, Alaskamilu taama umiarsualivittaarneq USA-mut qanoq iluaqutaassanersoq.
Murkowski aviisimi Anchorage Dalily Newsimi issuarneqarpoq, oqarsimasoq, USA-p Issittumi nunami piumasaqaatimi, aamma aningaasaqarnikkut soqutigisami, illersornissai pisariaqartikkai - pingaartumik sikup aakkiartornerata kinguneranik Issittumi umiarsuit angallannerulernerisa kingorna.
