Nunanit allanit

Alaskami ilimagisamit uuliaqarnerusinnaasoq

Nalunaarusiaq Juullip siorna saqqummersinneqarpoq, North Slope Boroughimilu ilimagisamit uuliaqarnerusinnaaneranik takussutissaqartoq nalunaarusiami inerniliunneqarpoq.
Alpine Oil Field. North Slope, Alaska Assi © : Paxson Woelber/Flickr Creative Commons
Allattoq Marianne Stenbæk, Montreal, Canada
januaarip 04-at 2018 12:39
Nutserisoq Mads Lynge

Nappartat 8,7 milliardit periutsit nalinginnaasut atorlugit uuliamik immerneqarsinnaanissaat, USA-mi ujarassiuutut misissuiffiup, nalunaarusiortuusup, eqqoriarpaa.

Tamanna 2010-mut kingullermik naliliisoqarneranut arfinileriaammik annertuneruvoq.

Paasisat nutaat aallaavigalugit North Slope Boroughimi ujarassiuutut misissuinerit allanngorluinnartut, USA-p nunami namminermut ministeriata Ryan Zinkep oqaatigaa. Aviisi Anchorage Daily News taama allaaserisaqarpoq.

North Slope Boroughip USA-p siunissami ikummatissaqarniarneranut ukiorpassuarni pingaaruteqarluinnalernissaa ministerip ilimagaa.

North Slope Boroughimi ilimagisamit uuliaqarnerujussuata saniatigut Inupiaat tamaani najugaqartuupput, soorlu aamma uumasut assigiinngitsorpassuit tamaani aamma uumasuusut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq