Alaskami guvernøri, Frank Murkowski, allamik suliffissarsiortussanngorpoq.
Novemberimi qinersisoqarnissaanut republikanerit qineqqusaartitassaattut sassarniaraluarnermini ajorsartoq, Associated Press allappoq.
Ajorsarneralu annertuvoq. Murdowski, ukiorpassuarni Washingtonimi senatoriusimasoq, Alaskami qineqqusaarnissamut normu 3-tut inissippoq.
Republikanerit sassartitassaattut, 42-nik ukiulik, Sarah Palin, ajugaavoq. Taanna illoqarfeeqqami borgmesteriusimavoq, tusaamaneqaatigaalu pissaanermik atornerluisunut peqquserluuteqartunullu akerliusarnernini.
Murdowskilu qinersisartunit taama isigineqarpoq. Pania senatimut toqqarneqarpoq, timmisartuaqqamillu pisisimasutut.