Alaska-mi naggueqatigut inatsisartunut suliniutissat saqqummiuppaat

Indianerit naggueqatittalu inuit sapaatiummat ataatsimiinnerminni Alaskami Inatsisartunut piumasaqaatitik 150-it akiuiniarnissami suliniutissat saqqummiuppaat, Alaskami nunap inoqqaavinut tunngatillugu silaannaap allanngoriartornerata kingunipiluisa millisarniarnissaannut, Sermitsiaq.gl allaaserisai malillugit KTUU-TV taama paasissutissiivoq.

Naggueqatigiit siunnersuisoqatigiivi kiisalu suliffeqarfiit, nunap inoqqaavinit pigineqartut isumaqatigiissusiortuupput, ilaatigullu Alaskami Inatsisartut peqquaat inatsisilioqqullugit gassit silaannarmik kissatikkiartortitsisartut atorneqarneri ikilisarniarlugit.

Eqimattakkuutaat aguniarpaat Alaskami Inatsisartut

tappiffiginerulertariaqaraat Alaskami nunaqarfiit silaannaap allanngoriartornera pissutigalugu inuuniarnikkut atugarliortitaalersimammata. Ilisimasallillu isumaqarput nunaqarfiit tamarmik inuerutinneqartariaqartut.

Heather Kendall-Miller inuttut pisinnaatitaaffiit pillugit Kattuffissuarmeersoq Native American Rights Fund-meersoq oqarpoq; Neriuutigigini Alaskami Inatsisartut

Maluginiarnerulerumaaraat immikkuullarissumik nunap inoqqaavisa qanoq pisariaqartitsitigitiginerat. Inuit nunaqarfinniit oqqiffissaaruttut innisimasorinis-saannut aningaasanik atorfissaqartitsipput, gassillu silaannarmik kissatsikkiartortitsisartut millisarniarlugit inatsisiliortoqarnissaanik pisariaqartitsillutik, taama oqarpoq, Kendall-Miller.

Eqimattakkuutaat neriuutigaat qulequttanik tusarniaanerit Alaskami Inatsisartut augustimi ataatsimiinnissaannut angumeqqukkumaartut.