Alapernaarsuut annaakkiartorneqartoq
Alapernaarsuutip Tulukkap kilisaat C.N. Olsen 2 ikkarlittoq ullaassaq annaakkiartortariaqalersimavaa.
C. N. Olsen 2 ullaassaq Qaqortup kujataani sømiilinik arfinilinnik ungasissusilimmi ikkarlippoq nammineerlunilu kaanngarsinnaannginnami ikiorserneqartariaqarluni.
Kilisaat Aqissiaq 2 ikkarlittumut annguteqqaarpoq C.N. Olsenillu inuttaasa amerlanersai ikillugit. Kingusinnerusukkut alapernaarsuut Tulugaq apuukkami maskiinalerisut aqqartartullu ikkarlittumut ikitippai annerusumik pisoqannginniassammat.
Taamaalinerani kilisaat ikkarleqqasoq 45 gradinik uersimavoq.
Immap ulinnissaa utaqqeqqaarlugu ikkarlittoq kaanngartinneqarpoq. Aquutaa, sarpia timitaalu ajoquserneqarsimasoralugit misissorneqarmata paasineqarpoq C. N. Olsen 2 ajoquserneqarsimanngitsoq nammineerlunilu Qaqortumukarsinnaasorineqarpoq.
