Alapernaarsuut aalisagaasaq
Umiarsuaq alapernaarsuut Galathea 3 Kalaallit Nunaannut aasaru aggustip naalernerani tikissaaq.
Alapernaarsuutip nunatsinniinnissaanut atatillugu ilisimatuut ukiuni pingasuni kingullerni eqqarsaatigisimavaat karsiusamik aalisakkatut isikkulimmik alapernaarsuinermi atortagassamik umiarsuarmiittoqassasoq.
Karsiusaq taanna nunatta imartaata ilteqassusaa uumasuaraqassusaalu pillugit paasissutissanik katersuiviussaaq. Karsiusaq taanna Tysklandimi sanaajuvoq, biilit sukkaniunnermi Formel 1-mi atorneqartartut, sanaartorneqartarfiani sanaajullutik.
Aalisagaasaq kalittagassaq arfineq-pingasunik avaleraqarpoq, timmisartut sorsuutit F-16-it aqunneqartarnerisulli elektroniskimik aqunneqarsinnaalluni.
- Kalaallit Nunaata imartaa qanoq ilteqartiginersoq qanorlu uumasuaraqartiginersoq paasisaqarfigissallugu pingaaruteqarpoq, Aarhus Universitetimi biologi, Verner Damm, aviisimut Urbanimut oqarpoq.
Galathea 3 usilersoriartorluni Narsarsuarmut aggustip ulluisa 24-ianni tikissaaq, septembarip ulluisa arfineq-pingajuanni Nuummut pissalluni.
