Al-Qaida Talebanillu pisuusorineqarput
Qaartartumeerisoqarmat inuit 53-it toqutaapput 260-illu ikilerneqarlutik, Danmarks Radio taama nalunaarpoq.
Qaartartumeerisup bilit usisaatillit qaartartunik 600 kiilunik usillit akunnittarfiup saavanut unitsimmagit qaartartoq qaarpoq.
Qaartartumeerinermut akisussaasunik suli nalunaaruteqartoqanngilaq, taamaattorli Pakistanimi naalakkersuisut aamma Amerikamiut kilitsissiaqarfiata Al-Qaida aamma Talibanit, Afghanistanimut killeqarfiup eqqaani toqqorsimaffeqartut qaartartumeerisuussasoraat.
Taamaattumik Pakistanimi politiit pakasaallutik tamaani paasiniaasaqattaarniarput aamma sakkutuut ikiuutissasut oqaatigineqarpoq.
Danmarkimi politiit kilitsissiaqarfianni atorfilik ataaseq qaartartumeerisoqarnerata kingornagut maqaasineqalerpoq. Danskip taassuma nassaarineqarnissaa suli neriuutigineqarpoq, Pakistanimilu Danmarkip aallartitaa maanna napparsimmavinni ujaasisoq oqaatigineqarpoq.