Al-Qaedakkut aallartitaqarfimmik qaartartumeerisuunerarput
Danmarkip Pakistanimi aallartitaqarfia qaartartumeerneqarmat inuit ikinnerpaamik arfineq-marluk toqutaapput, amerlanerusullu ikilerneqarlutik.
Allattoq Mads Lynge
Peqqarniisaarniat al-Qaedakkut Danmarkip Pakistanimi aallartitaqarfianik qaartartumeerisuunerarput. Internetikkut nittartakkatigut tamanna nalunaarutigeqqammerpaat. Tuluit nutaarsiassaqartitsiviat Reuters taama allaaserisaqarpoq.
Danmarkip aallartitaqarfia Pakistanip illoqarfiisa pingaarnersaanni Islamabadimiippoq.
Muuamaamik ilaarutiginnilluni titartakkat pillugit Danmarkip aallartitaqarfia qaartartumeeritsik, al-Qaedap Afghanistanimi siuttuata Mustafa Abu al-Yazidip nalunaarutigaa.