al-Qaeda tapersersortiminit apeqquserneqartalerpoq
Muslimit silarsuaanni islamimiut siuttui al-Qaedakkunnut ungasilliartuinnartut allaaserineqarpoq – taama ungasilliartuinnarneq minnerunngitsumik patsiseqartinneqarluni nunarsuarmi sumi tamaani muslimit al-Qaedakkunnit toqunneqartartut amerlasimanerujussuat.
Pinerliiniat pillugit Amerikamiut immikkut ilisimasallit oqaatigaat, al-Qaedakkut saassussiuartarnerat Afghanistanimi sorsuttartut akornanni allaat aalassatitsisimasoq. Irakkiinnarmimi al-Qaedakkut aqqutigalugit irakkimiut imminnut toqullutik saassussitinneqartut 10.000-iunerarneqarput.
Allaammigooq Bin Ladenip siusinnerusukkut sapiitsuliortuisa ilaat saudiarabiamiut siuttuat Salman Al Oudah tv-mi aperisimavoq: ”inuit, meeqqat, utoqqaat, arnallu pisuussuteqanngitsut
al-Qaedap aqqani qassimmita toqunneqarpat?”.
Tamakku tassa ilaatigut tunngaviullutik immikkut ilisimasallit pasitsapput muslimit pinerliiniaqatigiiusullu al-Qaedakkut akornanni ungasilliartorneqalersoq.