Al Gore nukissiuutinik migutsitsinngitsunik pilersititseqquvoq
Amerikami præsidentinngorniunneq aallarteruttortoq præsidentimut tullersortaasimasoq, Nobelip nersornaasiuttagaanik siorna tunineqartoq, Al Gore politikerinik appisaluussivoq. Unnuaq oqalugiarnermini oqarpoq USA-p uulia pinngitsoorsinnaanngisaa annertoqigami aningaasaqarniarnermut sunniuteqarnerluttoq, sorsunnernik aallartitseqqajaasitsillunilu avatangiisinik sequtserisoq.
- Kina-miit aningaasanik atukkatsinnik Persiap kangerliumanertaani uuliaseriarluta avatangiisinut mingutsitsilluta ikummatigisarparput, Al Gore oqarpoq.
Amerkamiullu unammillerlugit oqarluni ukiut qulit qaangiutsinnagit USA-p nukissiornernit pisariaqartitaa tamarmi nukissiorfinnit mingutsitsingitsunit pineqarsinnaalertariaqartoq.
Al Gore-p pisariaqartitamik angusaqarniarnissaq tamaviaarullugu, 1960-ikkunnisuulli suliniartoqartariaqartoq. Taamani inummik qaammammukartitsisoqarnissaa anguniarlugu ukiuni qulini tamaviaarussilluni ilisimatuussutsikkut misileeqattaartoqapallallunilu piorsaasoqapallappoq.
Allattoq Oline I. Olsen