Akvillas Larsen nersornaaserneqarpoq
juunip 22-at 2005 11:54
Palasi soraarneq Aasianninngaanneersoq Akvillas Larsen sølvimik Nersornaaserneqarpoq.
Inatsisartut siulittaasuata tullia Aqqaluk Lynge nersornaasiinermi oqarpoq, Akvillas Larsenip peqatigiiffinni assigiinngitsuni suleqataalluarsimanera nersornaasiinermut tunngavigineqartoq.
- Peqatigiiffinni arlalinni siulersuisuni ilaasortatut siulittaasutullu sulilluarsimavutit, soorlu aamma qaannat peqatigiiffiisa siulliit ilaannik aallartitseqataasimasutit. Aqqaluk Lynge ilaatigut taama oqarpoq.
Akvillas Larsen 1993-imili soraarninngorpoq, taamaattorli Aasianni kommunellu nunaqarfiini pisariaqartitsisoqartillugu palasitut suli sulisarluni.