Akuutissat Issittumut sarfaassaapput

Akuutissat nunarsuarmi suni tamaneersut anorimit sarfanillu ingerlanneqaraangata, Issittup inui naggueqatigiinnut allanut naleqqiullutik mingutsitsinermit ulorianartorsiornerusarput.
Allattoq Jens Thorin
juunip 30-at 2010 05:23

Inuit issittumi najugaqartut uumasunik nujuartunik imaaneersunik pingaarnertut inuussuteqarput, taamaalillutillu timaat akuutissanik akoqarnerulertarlutik. Taamaannera Issittup inuisa aavinik orsuinillu uuttuisarnikkut paasineqarsimavoq.

- Ukiuni kingullerni 50-ini akuutissanik misileraanermut aqunneqangitsumut ilaasimavugut, Per Bakken FN-ip avatangiisinut suliniaqatigiiffianeersoq, ICC-mi ataatsimeersuartunut ippassaq saqqummiussinermini ilaatigut taama oqarpoq.

1800-kkut qiteqqunneranni tunisassioriaatsit allanngorujussuarnerisa kingorna Issittup inuisa uumasuisalu aavini kviksølvi alliartupiloorsimavoq.

Issittumi avatangiisini kviksølvip 94 procentia maanna inunnit pilersitaasoq, Per Bakken oqaluttuarpoq.

ICC-mi ataatsimeersuartut peqqinneq nerisassaqarnerlu ullumi sammissavaat.