Akutaaneq kvartfinalemut annguteqataavoq

Akutaaneq Kreutzmannip unammisartuuffigisaa Vejle Håndbold Danmarkimi pokalinnanniunnermi kvartfinalemut annguppoq. Pokalinnanniulluni sisamanngornermi unamminerni kalaallit allat aamma peqataapput.
Allattoq Noah Mølgaard
septembarip 02-at 2011 07:07

Team Sydhavsøerne, Frank Lundbladip misiliummik sungiusarfigisai, pokalinnanniunnermi Vejle Håndboldimit 1. divisionimi unammisartunit ajorsartinneqarput.

Akutaaneq Kreutzmann ukiumi unammiffiusumi nutaami Vejle Håndboldimi unammeqataasoq unamminermi tassani sisamariarluni isertitsivoq. Ajugaaqqatulluinnartulli, Vejle Håndbold nittartakkamini allappoq.

Vejle Håndbold 23-22-mik ajugaavoq unamminerlu naammassilluinnalersoq Team Sydhavsøerne isertitsingajalluinnarput taamalu unamminerup sivitsornissaa qulakkiingajallugu.

Minik Dahl Høeghp unammisartuuffia HC Fyn Jakob Larsenip sungiusaasuuffia pokalinnanniunnermi ottendedelsfinalemi Ajax-imut unammivoq. Tassani 22-28-mik ajorsarput. Fynimiuni Minik Dahl Høegh isertitsinersaavoq arfineq marloraarami. Kisiannili tassa tamanna kvartfinalemut anngunnissamut naammanngilaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq