Akunnittarfiit amerlanerit juullikkunni matoqqassapput

Nunatsinni akunnittarfiit amerlanerit juullip nalaani matoqqassapput.

Juullip qaammataani takornariat ikittuinnaasarnerat akunnittarfiit matoqqasarnerinut patsisaavoq.

Isumaqarnassagaluarpoq, juullip inuata Kalaallit nunaat najugarimmagu takornariat aggianerusassagaluartut, taamaanngilarli.

Decembarip qaammataani takornariat nalinginnaasumik sisamararterummik ikilisarput, taamaammat akunnittarfiit matoqqaannarnissaat imminut akilersinnaanerusarpoq.

Nunatsinni illoqarfiit annersaani sisamaasuni akunnittarfiit marluinnaat tamarmik Ilulissaniittut ammassapput. Illoqarfinni anginerusuni allani, tassa Sisimiuni, Nuummi Qaqortumilu akunnittarfiit matoqqassapput.

Hotel Qaqortumi pisortaq, Beinta Sørensen oqarpoq akunnittarfimmut inniminniisoqaraluarpat, hoteli ammassagaluartoq, taamaattoqartarneralu akuttusoorujussuarmik Beinta Sørensen-ip pisarnerarpaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat