Nunatta Isiginnaartitsisarfia Akunnerit Qaqortumut tallimanngornermi apuutinngitsuussaaq

Nunatta Isiginnaartitsisarfiata Akunnerit Qaqortumi unnugu isiginnaartitsissutigisassaraluani arfininngornermi aatsaat isiginnaatitsissutigissavaa.

Laarseeraq Svendsenip taalliai tunngavigalugit isiginnaartitsissusiaq Akunnerit Nunatta kujataanut isiginnaartitssutigineqariartorpoq, Paamiunilu isiginnaarit 300-t missaanniittut isiginnaartitsissusiaq nuannarineqarluartoq pingasunngornermi isiginnaarpaat.

Ajoraluartumilli silap ajornera pissutigalugu erinarsortussat nipilersortussallu suli Paamiuniipput, unnugulu aatsaat aallarsinnaanissaat naatsorsuutigineqarluni.

Taamaammat Qaqortumi unnugu isiginnaartitsinissaq aqagumut arfininngornermut nalunaaqutaq unnukkut arfineq-pingasunut takutinneqartussanngorlugu kinguartinneqarpoq, isiginnaagassiornermi aqutsisoq, Manasse Berthelsen nalunaaruteqarpoq.

Isiginnaartitsiartortut Qaqortumeereerunik Nanortalimmut Narsamullu ingerlaqqissapput, tamatumalu kingorna Atlantikoq ikaarlugu Kalaallit Nunaat Tivolimeqarnerani aggustip aallaqqaataani Aalborgimilu aggustip pingajuanni takutinneqassalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat