Akunnerit Narsami Nanortalimmilu takutinneqassanngilaq
Pilersaarutit naapertorlugit tusaarnaartitsilluni isiginnaagassiaq Qaqortumi takutinneqartussaagaluarpoq.
Tusarnaartitsillutik isiginnaartitsisut suli Paamiuniipput.
Timmisartortitsiseqatigiiffimmit Air Greenlandimit nalunaarutigineqarpoq, tusarnaartitsillunni isiginnaartitsinermi Akunnerini peqataasut aqagu sapaammi Nuummukassasut, ataasinngornermilu Narsarsuarmut Qaqortumullu ingerlaassassut.
Isiginnaartitsissutip Qaqortumi sapaatip akunnerata tulliani takutinneqarnissaa maanna pilersaarutigineqarpoq.
- Qaqugorpiaq pinisaa suli nalunaarutigisinnaanngilarput, kujataatunnulli pigutta tamanna nalunaarutigineqarumaarpoq, tusagassiuutinut nalunaarummi taama allapput.
Narsami Nanortalimmi takutitsinissaq ajoraluartumik taamaatinneqarput.
Qaqortumut apuunnissamut periarfissat tamarmik ippassaq ujartorneqaraluarput.
RAL-ip umiarsuai, Paamiuni Kujataanilu angallatinik attartortitsisartut misissuiffigineqaralluarput tamarmilli iluatitsiffigineqanngillat.
Nunatta Isiginnaaritsisarfianit pingaartinneqarpoq isiginnaartitsissutip Paamiuni takutinneqarniaa, siuliini takutineqarnissaannut Paamiunut anngutinngitsoorunneqarmat
Akunnerit Paamiuni takutineqarnerani inuit 300-nik sinneqartut isiginnaariarput.