Akunnerit arfineq marluk missaanni sivisussusilimmik attaveeruteqqaneq
- Sakkortusaaviup attaveerunneratigut sullitatta suleqatigisattallu ippassaq ajornartorsiuteqarnerat ajuusaarutigaarput. Sakkortusaavimmi atortorissaarutit nutaarluinnaagaluarput aamma sooq attaveerunnersut paasiniaqqissaassavarput, TELE-POST-imi teknikerit ilaat Karl Erik Birkholm taama nassuiaavoq.
Attaveeruttoornermi innuttaasut oqarasuaatinik angallattakkanik, oqarasuaatinik nalinginnaasunik, internetimik, VHF-imillu atuisinnaajunnaaraluarput kiisalu KNR-imit radiomik aamma TV-mik tusarnaarsinnaanatillu isiginnaarsinnaajunnaaraluarlutik. Soorlu aamma KNI-p pisiniarfiini akiliutinik akiliisinnaajunnaaraluarlutik.
AAMMA ATUARUK Sisimiut og Kangerlussuaq igen ramt af Tele-nedbrud
Attaveqaatip ajoquteqalerneranut sunarpiaq patsisaanersoq suli paasineqanngilaq, TELE-POST-imiilli teknikkikkut atortorissaarutinik isumaginnittut sooq attaveruttoqarnera nassuiaatissarsiorniarneqarpoq.
Qaqqatoqqami sakkortusaavik kingullermik juunip arfernanni attaveerukkaluarpoq, taamanilu silarlunnera pissutigalugu ingerlaannartumik aaqqinneqarsinnaasimanani.