Akunnaallisaarillaqqissoq Arafat
Palæstinamiut siuttuat Yasser Arafat 1968-mi aniguisitsiniaqatigiiffik PLO-p siulittaasussaattut toqqarneqarpoq, nunani arabereqarfinni palæstinamiorpassuit kaatuffigiligaat.
Arafatsip peqqarniisaarneq atorunnaarlugu oqaasissaminik akunnaallisaarillaqqissutsini atulerlugu Israelip pilersinneqarnera akiulerpaa.
1988-mi FN-p ataatsimeersuarnerani oqalugiarmat Palæstina naalagaaffinngortoq suaarutigaa, ukiorlu ataaseq qaangiuttoq PLO-p ataatsimeersuarnerani præsidentissatut toqqarneqarpoq.
- Suliaq palæstinamiut namminerisaminnik nunaqalernissaat tunngavissiorneqareerpoq, qanortoq Arafatsip suliaanik nangitsisussat piaartumik tamanna piviusunngortinniarilissuk, Nunatsinni nunanut allanut naalakkersuisorput Josef Motzfeldt Yasser Arafatsip toqunerani oqaaseqaateqarluni oqarpoq.
- Inuiaassutsiminik ilungersuutiginnittoq Nobelip eqqissinermut nersornaasiuttagaanik ataqqinaatilik Arafat ataqqinnilluta eqqaamassavarput, Josef Motzfeldt aamma oqarpoq.
