Akuersissutinik piiaasoqarnera unioqqutitsineruvoq

Jens Immanuelsen Siumumeersoq aalisanrermut naalakkersuisunngoqqammersumut Finn Karlsenimut § 37 naapertorlugu marlunnik apeqquteqarpoq. Apeqqutai qaleralinniarsinnaanermut akuersissutinik piiaasoqarsimaneranut, Immanuelsenip unioqqutitsinikkut pisimasorisaanut, tunngassuteqarput.
Allattoq Peter Troelsen, Simon Uldum
januaarip 31-at 2014 11:32

KNR-imi tv-kkut nutaarsiassaataani Qanoruumi sapaatit-akunnerani uani saqqummiunneqarpoq, Ane Hansenip 2009-mit 2013-imut aalisarnermut naalakkersuisuunerata nalaani qaleralinniat ilaasa akuersissutaannik atorunnaarsisitsinerit inatsisitigut tunngavissaqarsimanngitsut. Apeqquteqartorlu isumaqarpoq inatsisinik unioqqutitsinerit taamani naalakkersuisuusumut kinguneqartitsinertaqanngitsumik pisimasut.

Taamaammat Siumukkormiup parteeqatiminut Finn Karlsenimut maanna apeqqutigaa taamanikku akisussaasumut kinguneqartinneqarsimannginnerannut paasissutissat Qanoruukkut saqqummiunneqartut isumaqatiginerai.

Ombudsmandpp misissuinermini inerniliineratigut kukkuneq maanna ilisimaneqalerpoq. Immanuelsenillu tassunga atatillugu paaserusuppaa aalisartut akuersissutiminnik tunngavissaqanngitsumik arsaarneqarsimasut qinnuteqaqqaanngikkarluarlutik akuersissutiminnik pissarseqqinnissaminnut periarfissinneqassnersoq, imaluunniit akuersissutit kukkusoqarneratigut annaasimasatik qinnuteqaatigeqqissaneraat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq