Kuannersuit: Akuerisassanit siulleq inissittoq
Aatsitassarsioqatigiiffiup GME-p Kuannersuarni aatsitassarsiornissaanut atatillugu imaatigut angallannerup isumannaatsuunissaa pillugu GME-p nassuiaataa Imarsiornermik Aqutsisoqarfiup Kalaallit Nunaat sinnerlugu akueraa.
Allattoq Anton Gundersen Lihn
Nutserisoq Mads Lynge
Kuannersuarni aatsitassarsiornissap avatangiisinut sunniutissai pillugit tusarniaanerit misissuinissallu pingaaruteqartut pingasut akornanni siulleq taamaasilluni akuersissutigineqarpoq.
Misissuinerit tullii marluk tassaapput VVM-imik VSB-millu taasagaat, tassa Kuannersuarni aatsitassarsiornissap avatangiisinut tamaanilu innuttaasunut sunniutissai pillugit misissuinerit.
Kuannersuarni aatsitassarsiornermut atatillugu immakkut angallannerup assartugassanillu assartuinerup isumannaatsuunissaat nassuiaammi siullermi eqqartorneqarput.
Immakkut angallannerup isumannaatsuunissaa pillugu nassuiaat Blue Water Shippingimit suliarineqarpoq.