Aktianik niuffaffinni uivilerput
Danmarkimi piginneqataassutsinik aktianik nioqquteqarnermi pissutsit ullumikkut atuuttut, aktianik nunarsuup sinnerani niuernermi uivertoqarneranik ersersitsipput.
Allattoq Mads Lynge
USA-mi akiliisinnaassutsimik sapaatip-akunnerata naanerani appaanerup tamanna ersersippaa.
Danmarkimi aktianik niuffaffik ullaaq ammarneqarmat aktiat nalingi 0,5 procentinik appariaateqarput, aktianillu niuffaffik C20 Indeksimik taaguutilimmi aktiat nalingi ullaap tungaani 3 procentinik appariaateqarput.
- Taamatut aarlerisoqarnera ullup sinnerani atuutissaaq, Danske Bankimi aktianik naliliisartup Mogens Kongshavip, Danmarkip Radioanut oqaatigaa.
- Aktianik nioqquteqarnermi pissutsit suli aarlerinartutut nalilerneqarput. Kingunerilu suussanersut suli nalunarallassalluni, Mogens Kongshav oqarpoq.