Aktianik ilisimasalik: Grønlandsbanki ajaperfissaaruppoq

Danske Bankip Grønlandbankimik piginneqataassutiminik tunisinera Grønlandsbankimut kingunerlussinnaavoq. Aningaaserivik aningaasarsiornikkut ajornartorsiulissagaluarpat piginneqtaasoq ataaseq angisooq piginneqataasunit pigisakinnerusunit qularnaveeqqusiisinnaanerummat, aningaaseriviit ingerlaasiannik nalilisartoq Bjarne Jensen oqarpoq.

- Grønlandsbanki isummaannerusumik qularnaveeqqusiisussaarutissaaq, taamalimmallu Namminersornerulltuik Oqartussat Danske Bankimut taarsiullutik piginneqataalernissaat ilimagisimagaluarpara, Bjarne Jensen oqarpoq.

Danske Bank piginneqataajunnaarmat aningaaserivik ajornartorsiulissangaluarpat piginneqataasut sinneri kivitsisinnaanissaat Bjarne Jensen-ip qularaa.

Danske Bankip Grønlandsbankimik piginneqataanerminut atatillugu aningaasarsiornikkut aamma siunnersuisutut atuuttarsimanera minnerunngitsumik aamma annaasaqaataassasoq, Bjarne Jensen isumaqarpoq.

Aviisimi Børsen-imi allaaserisaq naapertorlugu Grønlandsbankip Danske Andelskassers Bankimik suleqateqarnerulernissaa ilimagineqarpoq.

Danske Andelskassers Bankilli pisortaa Vagn T. Raunip oqarpoq Grønlandsbankimik piginneqataalernissaq eqqarsaatigineqanngitsoq.