Akiuussutissiissut nutaaq atorneqalissaaq
Meeqqanik akiuussutissiisarnermi aaqqissuussineq nutaaq septembarip ulluisa aallaqaataanni atuutilissasoq, Nunatsinni Nakorsaaneqarfik ilisimatitsivoq.
Tingulluut tunillaassuuttoq, hepatitis B, Nunatsinni annertuumik atugaavoq, tinguullu qumarnera tingukkullu kræfteqalerneq kingunerluutaasinnaapput.
Meeqqat sisamariarlutik akiuussutissinneqartassapput: Siullermik inunngorniariarpata, tulliinilu pingasunik, tallimanik aqqaneq-marlunnillu qaammateqaleraangata akiuussutissinneqartassallutik.
Akiuussutissinneqarnerup piaarnerpaamik sunniuteqarnissaa anguniarlugu aqqaneq-marlunnik ukiullit qaammatit arfinillit ingerlaneranni pingasoriarlutik akiuussutissinneqarnissaat aalajangiunneqarpoq.
Tappiorannartoq, pneumokokki, siullunnerup sulluaqqatigullu aseruuttoornerup saniatigut, puakkut nuammik nipititsinermik, aakkut toqunartunittoornermik, qaratsallu ameraasaatigut aseruuttoornermik aamma kinguneqarsinnaavoq.
Nappaatinut tappiorannartunik pneumokokinik patsiseqartunut akiuussutissiisarneq meeqqanut marluk inorlugit ukiulinnut tamanut atuutissaaq. Meeqqat pingasoriarlutik akiuussutissinneqartassapput: Tassa meeqqat pingasunik, tallimanik aqqaneq-marlunnillu qaammateqaleraangata.
Peqqinnissaqarfimmi oqartussaasut attaveqarfigalugit meeqqanut akiuussutiisarneq pillugu quppersagaaqqamik pissarsisinnaavutit.
