Akiuussutissat milliardit nunarsuarmi nunanut Covaxip agguaakkai
Nunat tamat akiuussutissamik suleqatigiiffiat Covax sapaatip akunnerata naanerani pingaarutilimmik angusaqarpoq.
Tassami covid-19-imut akiuussutissat milliardilikkaat suleqatigiiffiup nunarsuarmi nunanut assigiinngitsunut agguaappai.
Covax Naalagaaffiit Peqatigiit peqqinnissakkut suleqatigiiffianit WHO-mit ilaatigut 2020-mi pilersinneqarpoq.
Covaxip akiuussutissat siulliit tunniussai Ghanamut siorna februaarimi tunniuppai. Kingullermillu aamma milliardilikkaat Rwandamut tunniullugit.
Akiuussutissat milliardilikkaat 90 procentii nunanut isertitakitsunut akunnattunillu isertitaqartunut agguaanneqarput.
Covaxip anguniakkani siulleq angunngitsoornikuuaa, taamanimi akiuussutissanik 2 milliardinik nunarsuarmi nunanut tunniussinissani 2021-nngunnginnerani siunniunnikuugaluarpaa.
Tamannalu akiuussutissanik pissarsiniarnerannut nunat pisuut akiuussutissanik pissarsiniarnerat immaginnavimmat unammillernarsimasoq, Covax ilisimatitsivoq.