Akiuussutissartaaq qerititsivimmiittuutigineqartariaqanngilaq, nillartaartitsivimmiittuutigineqarsinnaalluni. Akiuussutissallu allat atorsinnaassappata marloriarluni kapitittoqartassasoq, akiuussutissartaamik ataasiaannarluni kapitittoqartassaaq.Assi: Spencer Platt/AFP/Ritzau Scanpix

Akiuussutissartaaq USA-mi sapaatit-akunnerata tulliani atorneqalissangatinneqartoq

Johnson & Johnsonip covid-19-mut akiuussutissaliaa ulluni tulliuttuni akuerineqassangatinneqarlunilu USA-mi atorneqalissangatinneqarpoq.

Covid-19-imut akiuussutissat pingajussaat USA-mi immikkut ittumik akuersissutigineqangajalerpoq, akiuussutissallu 3 aamma 4 millionit akornanniittut sapaatit-akunnerata tulliani atorneqarsinnaalissangatinneqarput. Præsident Joe Biden naalakkersuisuilu taama ilisimatitsipput.

Nutaarsiassaqartitsiviup Reutersip tamanna uppernarsarpaa, soorlu USA-mi inuussutissanut nakorsaatinullu aqutsisoqarfiup FDA-p, nakorsaatinik nutaanik akuersisartup, tamanna aamma uppernarsaraa.

Nakorsaasiorfiup Johnson & Johnsonip coronavirusimut akiuussutissaliaa matumani pineqarpoq.

AAMMA ATUARUK Joe Bidenip USA-mut tikittut angerlarsimaannarnissaannut piumasaqaatit atulersikkai

Johnson & Johnsonip akiuussutissaliaa EU-Kommissionimit ilimagineqartutut qaammatiip tulliani akuersissutigineqassappat EU-p atorusuppaa.

Nakorsaasiorfiit Modernap Pfizer/BioNTechillu akiuussutissaliaat USA-mi atorneqaleruttorput. Taakku pisariunerupput, atorsinnaassappatalu qerititsivinniittuutigineqartariaqarlutik.

Johnson & Johnsonip akiuussutissaliaa qerititsivimmiittuutigineqartariaqanngilaq, nillartaartitsivimmiittuutigineqarsinnaalluni. Akiuussutissallu allat atorsinnaassappata marloriarluni kapitittoqartassasoq, Johnson & Johnsonip akiuussutissaliaanik ataasiaannarluni kapitittoqartassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat