Ilisimatusarnermut misissuiviit nakorsaatiliorfissuillu coronavirusip nunarsuaq tamakkerlugu tunillaassuukkunnaarnissaanut iluaqutaasinnaasumik akiuussutissaliorniarsarileruttorneranni ataasinngornermi taama aalajangerput.Assi: Dado Ruvic/Reuters/Ritzau Scanpix

Akiuussutissaq tamanit pissarsiarineqarsinnaasariaqartoq

Coronavirusimut akiuussutissaqalissappat nunat arlaannaalluunniit akiuussutissamik pissarsinissaannut tunulliunneqassanngitsut, Naalagaaffiit Peqatigiit nalunaarput.

Coronavirusimut akiuussutissaqalerpat nunat 193-it Naalagaaffiit Peqatigiinni ilaasortat tamarmik akiuussutissamik assigiimmik, pilertortumik piffissaagallartillugulu pissarsisinnaasariaqarnerat pillugu aalajangersagaq, ataasinngornermi ataatsimeersuarnerminni akueraat.

Nunat tamalaat peqqissutsimut suleqatigiiffiata WHO-p tamatumunnga atatillugu siuttutut inissisimanera aalajangersakkami aamma erseqqissarneqarpoq. WHO coronavirusip nunarsuaq tamakkerlugu tunillaassuunneranik pakkersimaarinneriaatsini pillugu USA-mi nunanilu allani naalakkersuisunit isornartorsiorneqarpoq.

AAMMA ATUARUK Trumpip USA WHO-mut aningaasalersueqataajunnaarsikkaa

Mexico USA-mit taperserneqarluni aalajangersakkamut missingiutiliortuuvoq. Covid-19-ip siaruatsaaliornissaanut pingaaruteqarmat, nunat tamalaat ilisimatusarnikkut suleqatigiinnerminnik patajaallisaanissaat aalajangersakkamut missingiummi kajumissaarutigineqarpoq.

Ilisimatusarnermut misissuiviit nakorsaatiliorfissuillu coronavirusip nunarsuaq tamakkerlugu tunillaassuukkunnaarnissaanut iluaqutaasinnaasumik akiuussutissaliorniarsarileruttorneranni ataasinngornermi taama aalajangerput.

Isummersuutit

Coronavirusimik tunillatsinissaq pinaveersaaruk

Nunatsinni coronavirusi pillugu killiffik

  Misissorneqareersimasut 7448
  Tunillanneqarsimasut 14
  Peqqisseqqittutut nalunaarutigineqartut 14
  Napparsimavimmi uninngasut 0
  Anersaartuuteqartitaasut 0
  Toqquteqartut 0
Pissarsivik: nun.gl
  Nutarterneqarpoq
  septembarip 18-iat 2020 nal. 10:45