Akiuussuserneqarniartut amerlajunnaarmata kapisisarnerit nuunneqartut
Nuummi Ukaliusap Atuarfiata eqaarsaartarfiani Inussivimmilu maannamut kapitittoqartarpoq, Dronning Ingridilli Napparsimmavissuani maanna kapitittoqartalertussaalluni.
AAMMA ATUARUK Corona pillugu ullumikkut kisitsisit: Tunillatsittoqanngilaq, taamaattorli unittoqarsimalluni
Nuummi kapitinniarlutik siuleriiaartut amerlajunnaarnerat pissutaalluni kapitinniartut napparsimmaviup nakorsiartarfianut maanna saaffiginnittalissapput.
Saaffiginnillutit kaipitikkiartorit
Aqagu pingasunngornermi oktobarip ulluisa arfernanni, sisamanngorpallu oktobarip ulluisa arfineq-aappaanni ualikkut nalunaaqutaq sisamat tallimallu akornanni kapitittoqarsinnaassaaq, sapaatillu-akunnerata tulliani ataasinngornermiit sisamanngornermut ualikkut nalunaaqutaq sisamaniit tallimat tungaannut nakorsiartarfimmi kapitittoqarsinnaassaaq.
Kapitinniartut nakorsiartarfiup utaqqisarfianukaannassapput, normumillu tigusisariaqassanngitsut peqqinnissaqarfiup nalunaarutigaa.
Kalaallit Nunaanni innuttaasut 71 procentii coronavirusimut siullermeertumik maannamut kapitinnikuupput, innuttaasullu 64 procentii tamakkiisumik akiuussuserneqarnikuullutik.